domingo, 27 de octubre de 2019
lunes, 21 de octubre de 2019
RECOVECOS
Dentro de min pululan espectros
inquedos. Con imposto interese contemplo o seu atarefado boureo. Denodados
esforzos por levar a bo porto a rodaxe da que eu mesma son protagonista... A
rutina acostumada rómpese con complicacións misteriosas; mais esmorece en min a
consciencia de se maldito é o filme ou acaso sexa eu...
Un crime funesto arroxa malicioso
sobre a escena, un denso veo de confusión e desconcerto. Son vítima... son
asasina... Aquí, onde estiven mañá... ou na canella escura e solitaria onde
errarei nun pasado brumoso coas miñas compañeiras na noite; inconscientes
rebeldes unxidas con vívidas pinturas de guerra....
Un mal soño de amor desbocado.
Pesadelo enfermo que se estende alén do xélido amencer. Ilusións arrasadas na fogueira das vaguidades. E nas súas
brasas aínda mornas cae sen fin a miña alma, condenada sen remisión ó abismo
negro da noite eterna; berrando en silencio e desespero que sempre fun eu; que
sempre serei eu ó outro lado da porta...
Descoñézoo todo... excepto;
porque o coello con augusta gravidade o aseverou, que era vermello... Coma o
sangue que mana do meu ventre perforado; perniciosamente adentado por unha
obtusa ferramenta tristemente ávida de incontrolable e atávica violencia... tanta
sórdida malevolencia!...
Carece todo de senso neste mundo
inverso que me abafa. Non posúe saída este infame labirinto paranoide e
delusorio. Todo xace inerme, enferruxado, ermo...
Ó diaño con todo!... O cabalo ó
pozo!...
filmaffinity
IMDB
viernes, 11 de octubre de 2019
Suscribirse a:
Entradas (Atom)